کل، آج اور کل : تحریر علی شاہنواز خان
کوڈک کمپنی کے نام سے کون واقف نہیں ہے، فوٹو پیپر کے 85 فیصد کاروبار پر یہ کمپنی قابض تھی، 170000 کے قریب مستقل ملازمین تھے، لیکن گزشتہ چند سالوں میں digital photography نے اس کمپنی کو ختم کردیا، یہ کمپنی دیوالیہ ہو گئی اور اس کے ملازمین سڑکوں پر آگئے-
ایسی ہی متعدد اور بھی مثالیں ہمارے سامنے موجود ہیں، چند ایک نیچے درج ہیں؛ * ایچ ایم ٹی گھڑیاں * بجاج اسکوٹر * مرفی ریڈیو * راجدوت موٹر سائیکل * امبیسڈر کار * پی سی او کیا ان کی کوالٹی میں کوئی کمی تھی؟ جی ایسا نہیں ہے۔ یہ زمانے کی تیز رفتار ترقی کے ساتھ قدم سے قدم نہیں ملا سکیں، اپنے اندر بقدر ضرورت تبدیلی نہ لا سکیں اور آوٹ ہوگئیں- ہمیں اندازہ ہونا چاہئے کہ آئندہ 10 سالوں میں چوتھا انڈسٹریل انقلاب آج کے زمانہ کو یکسر بدل دے گا- کیا آپ جانتے ہیں کہ، uber صرف ایک software ہے- اس کے پاس اپنی ایک بھی گاڑی نہیں جسے یہ ٹیکسی کے طور پر استعمال کرتے ہوں۔ اس کے باوجود یہ دنیا کی سب سے بڑی ٹیکسی کمپنی ہے۔ اسی طرح امریکی نوجوان وکیلوں کے لئے کام کی کمی ہوتی جارہی ہے- کیونکہ IBM Watson نامی سوفٹویر وکیلوں سے کہیں بہتر مشورہ دینے کی صلاحیت رکھتا ہے اور یہ گمان کیا جا رہا ہے کہ آئندہ 10 سالوں میں 90 فیصد امریکی وکیل بے روزگاری کا شکار ہوسکتے ہیں- صرف دس فیصد super specialist وکیل اپنی بے پایاں صلاحیتوں کی وجہ سے بچ پائیں گے- کہا جاتا ہے کہ Watson software چار گنا صحیح نتائج دیتا ہے- 2030 کے آتے آتے اور بھی زیادہ بہتر نتائج دے پائے گا اور انسانی کارکردگی سے بہتر اور زیادہ ذی شعور ہوگا- شاید دنیا کے 90 فیصد ڈاکٹر بھی بیروزگار ہو جائیں گے کیونکہ اب انسانی نبض کے لیے بھی ایسی ایجاد ممکن بن جائے گی جو ڈاکٹر کی ضرورت پوری کرے گی۔ سن 2018 کے دوران ہی بغیر ڈرائیور کی کاریں کامیاب تجربہ کے بعد سڑکوں پر نظر آنے لگیں گی- 2020 کے آتے آتے صرف ایک یہی ایجاد دنیا کا ٹریفک نظام تیزی سے بدلنا شروع کر دے گی۔ * خیال ہے کہ اگلے 10 سالوں کے دوران دور حاضر کی 90 فیصد کاریں دنیا کی سڑکوں سے غائب ہوجائیں گی۔ * جو 10 فیصد بچیں گی وہ بجلی سے مخلوط کاریں ہوں گی۔ * سڑکوں کی بھڑ کم ہوجائے گی۔ * پیٹرول کا استعمال 90 فیصد تک کم ہوجانی کی امید ہے۔ * عرب ممالک یا تو معاشی بدحالی کا شکار ہوجائیں گے یا دیوالیہ ہوجائیں گے۔ * امید کی جاتی ہے کہ مستقبل میں ایسا ہوگا کہ آپ نے آن لائن کار آڈر کی اور چند ہی لمحوں بعد بغیر ڈرائیور کی کار آپ کے گھر کے دروازے پر کھڑی نظر آئے۔ * اس کو چلانے کے اخراجات ایک بائیک کے اخراجات سے بھی کم ہوں گے۔ * ڈرائیور لیس کاروں کی وجہ سے 99 فیصد حادثات میں کمی ہوجائے گی اور اگر ایسا ہوا تو۔ * کار انشورینس کی بزنس کا خاتمہ ہوجائے گا۔ * کسی ڈرائیور کو ملازم رکھنے کی ضرورت باقی نہیں رہے گی۔ * سڑکوں پر گاڑیوں میں کمی کی وجہ سے ٹریفک جام اور پارکنگ کا مسئلہ ختم ہوجائے گا۔ کیونکہ آج کی 20 کاریں اور آئندہ ڈرائیور لیس ایک کار کی کارکردگی برابر ہوگی- ہمارہ سب سے بڑا مسئلہ یہ ہے کہ ہماری قوم ان تبدیلیوں کیلئے تیار نہیں انھیں ادراک نہیں کہ کل جو انسان ہاتھی، گھوڑے، خچر، گدھے اور دوسرے جانوروں پہ سفر کرتا تھا اس نے ہوائی جہاز میں اڑنا شروع کیا اور مہینوں کا سفر دنوں میں اور دنوں کا منٹوں میں سمٹ گیا۔ اگر یہ ممکن ہوا تو آنے والا جدید کل بھی حقیت ہے۔ ہم ذہنی طور پر پسماندہ گزرے کل میں آج کے وجود کے انکاری تھے اور اب آنے والے کل کا ادراک نہیں رکھتے۔ ہم اب ہوشیار نہ ہوئے تو زمانہ ہمیں ماضی کی تاریکی میں دفن کر کے تیزی سے آگے نکل جائے گا۔ جدید دور کے تقاضوں سے ہم آہنگ ہونا اسلام کا بھی درس ہے اور بقاء کا تقاضا بھی ہے۔ زمانہ انتہائی تیزی سے بدل رہا ہےتیز رفتار ترقی کی دوڑ میں اپنے آپ کو شامل کرنا ہی ہوگا، اپنے آنکھ، کان اور دماغ کھلے رکھنے کی ضرورت ہے، بصورت دیگر ہم اور ہماری معیشت کہاں ہوگی بہ آسانی اندازہ لگایا جاسکتا ہے، صرف اعلی ترین تعلیم ہی نجات کا ایک راستہ ہے۔
