اٹلی (نمائندہ خصوصی)فنانس منسٹر پاکستان رانا محمدافضل کیساتھ ملاقات کے فوٹو شوٹ نے مسلم لیگ ن اٹلی کے دونوں دھڑوں میں کچھ عرصہ کیلٸے نٸی روح پھونک دی ، مختلف ذراٸع کے تعاون سے ملاقات ممکن ہوٸی جبکہ گزشتہ روز وزیرِ خارجہ خواجہ محمد آصف حسبِ معمول اٹلی میں اپنے احباب سے خفیہ ملاقات کر کے واپس روانہ ہو گٸے تھے ،روم ایمبیسی میں مسلم لیگ اٹلی کے دونوں دھڑوں کی وفاقی وزیرِ خزانہ رانا محمد افضل سے ملاقات ہوٸی جس کا سوشل میڈیا پہ بڑا شور ہے ، اس اتفاقیہ ملاقات میں مسلم لیگ ن آفیشل اور مسلم لیگ عوامی گروپ کے رہنما موجود تھے جنہوں نے عہدوں کی بندر بانٹ کے بعد اپنے اوپر خوابِ خرگوش طاری کی ہوٸی ہے ، تحریکِ انصاف کے انٹرا پارٹی الیکشن کی کمپین اور تحریک انصاف کے تنظیمی ورک نے دونوں دھڑوں کی قیادت کی عدم دلچسپی سے فاٸدہ اٹھاتے ہوٸے مسلم لیگ ن اٹلی کو کھڈے لاٸن لگا دیا ہے ، اس میں میاں برادران کی کرپشن میں پیشی اور تحفظ ناموسِ رسالت کے آٸین میں تبدیلی کی کوشش کا بھی بڑا عمل دخل ہے ۔۔۔۔ حقیقت یہ ہے کہ ایک عرصہ سے مسلم لیگ اٹلی کے دونوں دھڑے کوٸی قابل ذکر ایونٹ یا گرینڈ میٹنگ کرنے میں ناکام رہے ہیں ، مسلم لیگ ن آفیشل اپنی آفیشل باڈی اناٶنس کرنے میں اب تک ناکام رہی ہے جبکہ دوسرا گروپ مسلم لیگ عوامی گروپ اپنے صدر کے پاکستان شفٹ ہونے کی وجہ سے بحران کا شکار ہے قاٸم مقام صدر عوامی گروپ بہت محنت کر رہے ہیں لیکن جب تک دونوں دھڑے مذاکرات کی ٹیبل پہ نہیں آتے مسلم لیگ ن اٹلی کا مستقبل اب مخدوش نظر آرہا ہے ۔